अभियान फिल्म प्रोडक्सन’को नयाँ नेपाली चलचित्र “बुकिफूल” को छायांकन २०८३ साल असोज १ गतेदेखि सिक्लेस गाउँमा सुरु हुने भएको छ। निर्माण पक्षले चलचित्रको छायांकन दशैंअघि नै सम्पन्न गर्ने लक्ष्य राखेको छ।
‘अभियान फिल्म प्रोडक्सन’को नयाँ नेपाली चलचित्र ‘बुकिफूल’को निर्देशनको जिम्मेवारी ओमप्रकाश गुरुङले सम्हाल्ने भएका छन्। चलचित्रका निर्माता तथा कथाकार वेदबहादुर गुरुङ रहेका छन्।
अभिनेता दयाहाङ राईलाई शीर्ष भूमिकामा लिएर फिल्म ‘बुकी फूल’ निर्माण हुने भएको छ। निर्माताले शुक्रबार विज्ञप्ति जारी गर्दै फिल्म निर्माणको घोषणा गरेका हुन्।
झण्डै १० वर्षपछि बेदबहादुर फिल्ममा फर्किएका हुन् । ‘नेपाली दर्शकलाई मौलिक रैथाने स्वादका साथ स्वस्थ मनोरञ्जन प्रदान गर्न बुकी फूल को प्रयास रहने छ’ उनले भने, ‘यसले सिक्लेस गाउँको इतिहास र संस्कृतिलाई उजागर गर्न र यो क्षेत्रको पर्यटन प्रवर्धन गर्नमा सकारात्मक प्रभाव पार्नेछ ।’